liselilerin anlamayacağı dilden konuşalım

hiç bir liseli anlamaz bu dilden

Ang Kinatsila kun Inespanyol (sa Kinatsila: castellano kun español) usa ka pinulongang Romano nga orihinal nga gilitok sa amihanang dapit sa Espanya. Kini opisyal nga pinulongan sa Espanya, sa tanang nasod sa Latin Amerika way labot ang Brasil ug sa Gineyang Ekwatoryal sa Aprika. Sumatotal, baynte ka nasod ug mga teritoryo Kinastila ang primerong lengwahe. Ang Kinatsila opisyal nga pinulongan sa Pilipinas hasta sa tuig 1973 ug niadtong 1987 gi-remove siya sa kurikulo sa mga eskwela. Mehiko ang nasod nga adunay pinakadaghan nga manunulti niini.

Ang Kinatsila nagsugod nga diyalekto sa Linatin didto sa mga probinsya sa Cantabria, Burgos ug La Rioja sa Amihanang Espanya. Gikan didto, ang paggamit niini miabot sa Gingharian sa Castilla, kung diin kini milambo ngadto sa lengwaheng prinsipal sa gobyerno ug negosyo sa Espanya. Gidala kini sa Amerika, sa Aprika ug sa Asya-Pasipiko sa miaging lima ka siglo gumikan sa mga explrador ug kolonyalistang Espanyol.

Ang kining lengwahe gisulti sa mga 364 ka milyon nga tawo sa tibuok kalibotan (banabana sa tuig 2000), mao nga Kinatsila ang labing popular nga pinulongang Romanse ug ang ikaduha hangtod ikalima nga labing gilitok nga lengwahe base sa lumad nga manunulti. Ang Tsabakano, kriyolyo nga binase sa Kinatsila, gisulti ug gigamit sa Dakbayan sa Zamboanga ug uban pang tupad nga lugar sa Mindanao